SANTO DOMINGO: E colaboracion cu Republica Dominicana ta ofrece hopi posibilidad pa progreso di Suriname.
Esey ta loke president Santokhi a declara siman pasa na e Congreso Nacional di Republica Dominicana.
Suriname a compromete su mes pa sigui desaroya diferente oportunidad mas di su colaboracion cu Republica Dominicana. Pa e motibo ey, un documento a wordo firma den margen di e bishita aki pa cooperacion entre e dos paisnan aki riba tereno di servicionan aereo.
“E momento a yega pa nos comberti e potencial grandi di Suriname den creamento di riqueza y nos lo sigui acelera e desaroyo di turismo y servicionan,” e hefe di estado Surinameño a declara,. President Santokhi ta mira Republica Dominicana como un partner importante pa yuda cu e tecnologia necesario pa esaki.
El a splica cu e dos paisnan aki lo bay reforza otro, den nan forma special di contribucion, pa asina bin cu mihor forma pa resolve disputanan internacional. Ademas e colaboracion di ambos banda ta bay wordo enfoca tambe, mirando cu ambos pais por sufri hopi di e efectonan di cambio climatico.
Segun e hefe di estado, accionnan tin di wordo tuma tanto regional- como internacionalmente pa asina papia riba tur e puntonan aki. Suriname ta confirma su colaboracion den e partnership largo aki cu Republica Dominicana y su poblacion.
