Fundacion Pro Persona Cu Dislexia (FPPCD)
ORANJESTAD (AAN): Luna di october ta e luna di conscientisacion di persona cu Dislexia mundialmente. Aki na Aruba tambe tin un porcentahe halto di persona cu Dislexia.
Fundacion Pro Persona Cu Dislexia (FPPCD) ta atende varios cliente personal y via telefon.
Nan ta purba asisti e cliente lo maximo cu ta posibel (esaki ta for di un pregunta te na un yudansa pa e cliente).
Riba nan cuenta di Facebook tin varios informacion pa tur hende por lesa: Fundacion Pro Persona cu Dislexia
Pa e luna di conscientisacion tin un foyeto cu informacion pa yuda conscientisa e pueblo di Aruba. Nan liña di informacion ta 566-0140 cu por yama of manda un mensahe via whatsapp libremente pa cualkier informacion.
