‘Super Heroes Parade’ ta motiva muchanan pa nan tambe ta super heroe den futuro pa sirbi nos pais

Señor Rino Hermans, Director di CMO:

ORANJESTAD (AAN): Diahuebs, Aruba a celebra cu orguyo e ‘Super Heroes Parade 2025’ den conexion cu Dia Internacional di Derecho di Mucha. E evento a uni varios departamento di emergencia y siguridad pa inspira y honra nos muchanan, destacando e super heroenan real cu ta traha diariamente pa proteha nos comunidad.

   Crisis Management Office (CMO) tambe a participa den e parada, bishitando diferente scol pa presenta na nos muchanan nos heroenan nacional. Director di CMO, señor Rino Hermans, a enfatisa cu den momentonan dificil pa nos pais, ta precisamente esakinan ta esnan cu ta sali pa duna asistencia y proteha ciudadanonan. “Nan ta motiva nos siguiente generacion cu e trabounan aki ta necesario pa nos pais sigui progresa”, señor Hermans a expresa.

   Señor Hermans a remarca cu riba e dia aki, mester recorda tur mucha riba nan derecho y motiva nan pa dia nan bira adulto, nan tambe por ta super heroe pa sirbi y fortifica nos pais.