Super heroenan a celebra cu muchanan

ORANJESTAD (AAN)-Ayera un biaha mas tabata tin e parada di Super heroenan na diferente scolnan.

Esaki ta un proyecto di servicio di ambulans cu ta organize pa 4 aña caba, caminda algun personal di ambulans, di brandweer, di polis y e aña aki tambe hunto cu Arumil a bishita diferente scol y a mustra e muchanan cu den e profesionnan aki tambe tin super heroenan.

Esaki pa asina inspira e muchanan pa nan tambe por ta un super heroe. E super heroenan a bishita scolnan cu un parada caminda nan a deleita e muchanan cu un tremendo baile y cu e alumnonan a keda sumamente emociona y encanta. Sigur ta di aplaudi e bunita proyecto aki dedica na e celebracion dia nacional di mucha cu ta awe.