ORANJESTAD (AAN): E artista di e serie ‘13 Reasons Why’, esta Austin Aaron a casa!
E actor di 24 aña di edad a casa cu su amiga di basta tempo, Kristen McNamara riba Diadomingo 14 di November 2021. Esey ta loke e revista ‘People’ a divulga. Nan a casa na Tre Posti na St. Helena, California.
Presente na e matrimonio tabata e demas miembronan di e serie di ‘13 Reasons Why’, esta Devin Druid, Tyler Barnhardt, Timothy Granaderos, y Justin Prentice, como tambe su amigonan cu ta den e drama serie nobo di HBO, esta ‘Los Angeles Lakers’.
Na e fiesta, envez di a busca un Bolo Tradicional di Bruid, nan a bin cu un muraya di donut y un donut cake, y cu tur hende a gusta y haya sensacional.
E pareha ta preparando pa nan Honeymoon, cu lo bay ta na luna di Januari 2022 na Holiday Inn na Aruba. Nan ta bin Aruba pa asina mira e flamingonan den awa.
Den e siguiente edicion di People Magazine por lesa y mira tur potret.
