Super bunita y anima tabata parada di Kadushi Largo pa Angochi

ORANJESTAD (AAN): Diabierna atardi, e muchanan di Colegio Laura Wernet-Paskel na Kadushi Largo

pa di su 46 aña a celebra Carnaval cu un parada conhuntamente cu participantenan di otro scolnan di bario di Santa Cruz.

   E parada a sali for di Colegio Laura Wernet Paskel, tuma e crusada di Sero Compa y Kadushi Largo bay pariba direccion Angochi y ta lora despues pa termina e parada riba e veld di Sportboys Club.  Cada scol a bay cu un tema e aña aki.  Colegio Laura Wernet-Paskel cu su tema “Nos ta Briya”. Scol Curason Contento cu e tema “Minions”, St Jan Kleuterschool cu tema “Super Heroes”, Cacique Macuarima cu e tema “Cowgirls & Cowboys”, Colegio San Hose cu tema di “Super Heroes”, y De Schakel basisschool cu e tema di “Inside Out”.

   Un berdadero Parada cu cada aña ta sigui bira mas grandi.