'Sunchimi' a devela su logo basa den un concepto di cuminda latino cu esencia asiatico

ORANJESTAD (AAN):  Diahuebs atardi, prensa tabata tin oportunidad di ser a conoci cu e logo di 'Sunchimi'.

'Sunchimi' ta un restaurant nobo ubica na Avenida Milio Croes cu recien a lansa nan concepto c'un toque diferente pa loke ta cuminda latino cu esencia asiatico.

            Propietario di 'Sunchimi', Yamileth Gutierrez, a splica cu a probecha pa devela e logotipo di e negoshi, aunke e inauguracion oficial di e localidad nobo lo ta na December. Sinembargo, ya caba, comunidad di Aruba por pasa na Dakota y saborea e dushi rollnan di sushi y otro specialidadnan cu 'Sunchimi' ta ofrece den nan menu varia.

            Gutierrez a indica cu e logotipo ta basa den un combinacion di e palabra 'Sunchi' y 'Mi' cu kiermen 'Kiss Me' na Ingles of 'Besame' na idioma Spaño.  

            Durante e presentacion na prensa,  a haya chens di disfruta di un variedad di sushi cu e toque latino y Caribense como tambe 'tapas' exkisito cu ta disponibel riba nan menu.

            Yamileth a agrega c'un di nan conceptonan special ta  'Sunchimi trimestral', ya cu cada tres luna lo ofrece un menu bao e nomber di  'Experiencia' y cu ta combina e gastronomia di Asia cu toquenan

Caribense of latinoamericano.