Algun pensionado ta reacciona:
ORANAJESTAD (AAN) Diferente reaccion a yega na DIARIO den sentido cu e 250 Florin tan priminti di Reparatietoeslag no a yega na tur pensionado.
Segun version, e ayudo aki no ta pa e grandinan cu ta ricibi mas cu un pensioen, loke ta nifica cu esnan cu ta cobra pensioen di Gobierno (APFA) no ta ricibi e aumento di 250 Florin di Reparatietoeslag.
Algo cu locual e pensionadonan aki tabata conta, pasobra gobierno a papia di un aumento di Reparatietoeslag adicional na e suma di pensioen general di AOV, y pensioen general di AOV ta nifica “tur pensionado” cu ta haya pensioen di behez.
Nada di esaki a wordo splica ningun momento, a wordo comenta na redaccion. Tambe t’asina cu SVb mes a anuncia un aumento chikito di 28 Florin riba SVb, unda cu e parehanan cu ta haye parti, ta haya 14 Florin cada un, pero ora bo ta conta e placa hunto cu Reparatie e no ta cuadra. Tin hende ta papia di un total di 187 Florin ricibi awo, riba su pensioen di tur luna na 2025, mas e aumento chikito di SVb y Reparatie (2026).
E por parce un diferencia chikito, di como 50 Florin, pero pa e costo di bida halto di mas, y peor ainda e December aki, cu tur cen ta conta, pasobra delaster un producto a aumenta di prijs ultimo dianan.
