Caso di Bonaire
ORANJESTAD (AAN): Den un publicacion di dialuna 28 di december, e plataforma Dossier Koninklijkrelaties di Hulanda, a remarca cu e investigacion di un posibel conflicto di interes riba Diputado di Bonaire, señor Clark Abraham, a ser corumpi pa motibo di filtracion di informacionnan confidencial, cu aparentemente a sali riba medionan social.
Segun e publicacion di e plataforma menciona, Gobernador Señor John Soliano a contrata e firma renombra Ebben Partners for di Hulanda pa dirigi e investigacion di integridad contra Diputado Abraham.
Segun e plataforma Hulandes di noticia, ta trata di compra di tereno cu lo ta pertenece na famia directo di señor Abraham, y a ser cumpra pa un suma mas halto cu e prijs cu a ser pidi mientras cu e tereno no tin niun interes strategico pa e gobierno.
