Studiantenan di Universidad pasando di teoria pa investigacion real cu clientenan

ORANJESTAD (AAN): Durante ultimo simannan, studiantenan di Facultad di Accounting, Finance y Marketing na Universidad di Aruba a bin

ta trahando como junior consultants dentro di e modulo di Marketing Research den colaboracion cu Guardian Group.  A lo largo di e modulo, studiantenan a completa e ciclo completo di investigacion di mercadonan, transformando un problema empresarial den un problema di investigacion, y na final, den recomendacionnan profesional.

   Recientemente e conclusion di e modulo a tuma lugar cu un sesion interactivo na Universidad di Aruba, unda studiantenan a presenta e resultadonan di nan investigacion y a experimenta den prome rij con e investigacion academico ta conecta cu e tumamento di decision real den organizacionnan.  Un aspecto clave den henter e proyecto tabata con pa transforma descubrimento di e investigacion den consehonan practico y profesional.

   E colaboracion ta subraya e balor di educacion aplica y alianza cu industrianan pa fortalece e educacion di e studiantenan, nan preparacion profesional y aportamento di conocementonan significante na e organizacionnan.

   Nan ta expresa un gradicimento special na team di Guardian Group, Gina Habibe, y Rignald Martis pa nan forma habri, colaboracion, y contribucion balioso na e experiencia di educacion di e studiantenan.

   Si tin mas compania interesa pa colabora den nan proyectonan educativo similarmente orienta na practica, e ora por contact orador Widya Matawlie pa un combersacion inicial.