Miosotis Tromp di Tienda di Educacion:
ORANJESTAD (AAN)-- Manera ta conoci, den e marco di 14 aña di existencia di Stichting Tienda di Educacion, pa Diasabra di e siman aki, esta 31 di mei, e fundacion tin un Conferencia interesante titula: “Conferencia di famia Generacion pa Generacion”.
Esaki lo tuma lugar na Renaissance Convention Center, di 8’or di mainta pa 1’or di atardi.
Señora Miosotis Tromp, den entrevista cu DIARIO, a bisa cu e conferencia ta, no solamente pa mayornan, pero pa hende di 18 aña di edad bay ariba, y e ta open pa tur persona cu una vez nan ta un tanta, un madrina, cu di un of otro manera ta dunando un crianza, bo ta un educador caba; pues un plataforma cu por yega cerca Tienda di Educacion y ser conoci cu tur e temanan cu nan ta traha cu nan diariamente.
Tin un prijs envolvi, y e ta cubri F&B durante e oranan di e conferencia, y tin ainda 20 ticket mas pa bende, y riba nan Facebook tin un link unda e interesadonan por registra, of por pasa na e oficina na L.G Smith Boulevard 22.
E participantenan lo haya un pakete completo, kiermen ta ricibi tur e material cu mester.
“Bin cu mente habri, cla pa scucha y absorbe e informacion, pero tambe ta well di practica. Nos ta desea pa bo tin bin habri pa haci pregunta, pasobra nos semper ta yuda bo haya e contesta cu bo tin mester. Bin prepara pa conecta cu e orado y cu e publico, p’asina bo bay mas ekipa y prepara pa bo skirbi riba e rol di cuidador, y pa bo keda mantene un relacion saludabel den famia tambe”, señora Tromp a señala.
