Studiantenan di OGM di Universidad a bishita Setar NV

ORANJESTAD (AAN): Recientemente e compania di telecomunicacion Setar NV a ricibi bishita di studiantenan di e prome aña di e estudio Organization, Governance and Management di Universidad di Aruba.

   E alumnonan di OGM a bishita diferente departamento den Setar pa haya un bista di con e departamentonan ta hinca den otro y kico ta e trabaonan diario cu ta worde haci.

   Despues di e bishita, e Training Manager a duna un presentacion di SETAR relata na teorianan presenta durante e prome aña di OGM.

   DIARIO a compronde cu Setar NV ya pa algun aña ta coopera cu OGM pa duna presentacion na studiantenan di e prome aña. Pa Setar como compania ta importante pa aporta continuamente na engrandece e conocemento di nos studiantenan door di match e parti teoria cu practica.