Na San Nicolas lo bay tene un anochi di ‘Christmas Fair’

Ministro Geoffrey Wever ta entusiasma

ORANJESTAD (AAN): E siman aki durante un conferencia di prensa convoca na Space 21 na San Nicolaas, Minister Geoffrey Wever, conhuntamente cu Tito Bolivar di Artisa y Sr. Jay Raymond Director di Post Aruba a anuncia Christmas Fair 2023.

   E aña aki Ministerio di Sr. Geoffrey Wever hunto cu Post Aruba y Artisa a uni forsa pa organiza e Christmas Fair den Promenada na San Nicolas. Esaki lo ta e prome Christmas Fair organiza despues di pandemia di Covid-19.  Minister Wever lo cende luznan di pasco den caya principal di San Nicolas dia 8 di December y e dia aki lo bay ta un dia cu yen actividad di artistanan, artesanonan, musica y tambe lo bay tin diferente stands cu diferente cuminda crioyo di fin di aña.

   Durante e evenemento aki bishitantenan di e Christmas Fair aki por admira mas di 100 obra di stampia cu lo worde desplega den Space 21. 

   “Nos ta masha contento di por uni forsa Artisa y Post Aruba pa un evenemento pa henter pueblo di Aruba”, Minister Wever a cuminsa ta bisa, “Como Ministerio nos a percura banda di zorg pa decoracion di pasco na Oranjestad, pa esaki tambe tuma luga na San Nicolaas. Asinna aki nos kier trece e dushi ambiente di pasco pariba tambe y nada mas dushi cu por pasa un rato ameno den promenade cu bo ser keri anto pariba.”

   Pueblo henter sea cordialmente invita pa pasa 8 december venidero di 7:00 pm pa 11:00 pm den Promenade y bin pasa unrato den un ambiente di fin di aña cu musica, arte y mucho mas.