Studiantenan di Facultad di Turismo a organiza un “Fundraising Talent Show” pa un bon causa

Suma recauda a surpasa tur expectativa

ORANJESTAD (AAN) – Recientemente a tuma lugar un Fundraising Talent Show, na Renaissance Convention Center, organiza pa studiantenan di e Facultad di Tourism & Management, di Universidad di Aruba.

Hanna Buenaventura, Junior Student di U.A, den un entrevista cortico cu DIARIO a splica cu e

 tabata encarga di e show hunto cu mas of menos 40 sponsors cu a duna sosten.

Hanna tabata encarga pa dirigi tur e participantenan y wak kendenan ta participa pa e facultad, splica nan tur e reglanan y bisa nan cuant’or nan tabata tin update.

E show di talento a wordo presenta pa dos grupo apart, pero nan a dicidi di combina e dos gruponan pa haci e show mas grandi cu tabata posible. Nan meta tabata pa recauda fondo pa yuda un fundacion cu ta zorg pa pushi y cacho, y a puntra nan kico ta nan necesidadnan, por ehemplo cuminda, of otro.

E show di talento a consisti di canto y baile, tanto solista como grupo. Nan a controla tur cos pa e bay bon, y hasta tabata tin plan B si acaso algo por a bay fout. Hanna ta sinti su mes hopi orguyoso di con nan a organiza e show di talento aki, pasobra tur cos a bay riba tempo y tur cos a bay perfecto. Finalmente, el a gradici tur nan sponsornan cu a haci e actividad aki posible y exitoso.

DIARIO a haya sa cu e evento tabata un exito total y e meta cu tabata tin a wordo surpasa. Masha pabien!

{gallery}Suma recauda a surpasa tur expectativa Studiantenan di Facultad di Turismo a organiza un Fundraising Talent Show{/gallery}