Ocho hoben di Formacion Social a demostra nan famia kico nan a siña den 4 siman intensivo

Minister Rocco Tjon: --- ORANJESTAD (AAN): Despues di 4 siman di programa intensivo di Formacion Social, e 8 hobennan a topa bek cu nan famia y duna nan un demostracion di kico tur nan a siña.

            Sigur un momento cu emocionnan mixto pa e hobennan y mayornan, cu un alegria di por wak otro bek y un orguyo di por demostra e progreso desplega.

            Loke tabata sorprendente ta e metamorfosis cu e hobennan a pasa den dje den asina poco tempo. Un ehempel palpido ta e momento cu nan mester a cambia di "tenue" den 4 minuut of menos, y e mayornan por a wak cu nan a laga nan cambernan nechi nechi atras den menos di 2.30 minuut. Pañanan nechi nechi dobla.

            Na ultimo nan a wordo sorpresa cu nan mag bay cas pa e fin di siman aki.

            Minister Rocco Tjon ta felicita tur 8 hoben y nan famia y ta desea nan tur exito den nan formacion pa futuro.