Studiantenan di Colegio Arubano a participa den Festival di Dande

ORANJESTAD (AAN): E tabata algo cu a pone tur hende yena di orguyo.  Ora cu un grupo di studiante di Colegio Arubano, a subi escenario y representa nan scol den e exitoso Festival di Dande Adulto 2023, teni na Centro Caiquetio na Paradera.

   “Tipico Colegio Arubano” a presenta nan cancionnan den perfecto harmonia, bon sonido, y sigur un bon guia.  Tabatin cantamento tambe di e.o. Reanne Ras.

   Nan presentacion a cay den bon agrado cerca tur hende, y lo a impresiona huradonan tambe, como cu na final di anochi, nan a wordo premia y a sali 3er Lugar den Categoria Tipico na e Festival di Dande cu e cancion ‘Pilar’.

   Un palabra di felicitacion na docentenan Jaderick Croes y Karim Perez pa e fenomenal idea y logro aki.