Paranda di Dande riba trailer a resulta den un exito total

ORANJESTAD (AAN) – Manera pueblo a spera, e temporada di Pasco 2023 pa loke ta Dande, a agrega algo innovativo, cu a cay na agrado di tur esnan cu a presenci’e.

E Paranda di Dande riba trailer. Manera e palabra innovative ta indica esaki ta algo full nobo na Aruba, pero cu lo por bira un tradicion sigur. El a surgi di un colaboracion entre Go Cultura Foundation, Unoca y Comision Celebracion Dianan Nacional, y e meta ta haci cultura mas accesible.

            Na cabes di Dande riba Trailer tabata e cantante popular y hopi stima Edjean Semeleer y un grupo di cantantenan di Dande a acompañ’e na unda cu nan a pasa bay, y nan a worde elogia cu hopi aplauso, pues a bira un exito total.

            Masha bunita iniciativa cu pueblo a goza un mundo!