Studiante investigando conversion di aire den awa

ORANJESTAD (AAN): E tabata un dia special, grandi, y memorabel pa e hoben Kevin Orozco Mendoza,

ora cu el a gradua como bachelor di SISSTEM na Universidad di Aruba.

    Kevin Orozco Mendoza a presenta dilanti e comision, y a sa di defende su tesis como debe ser.  Su tesis tabata basa riba “E potencial di Air-to-Water Generation (AWG). Un tecnologia cu ta produci awa potabel for di aire humedo.”

   Den e investigacion di AWG a test pa medio di uzo di HVAC (sistema di airco), e recuperacion di condensado den e clima di Aruba. A investiga cuanto awa por extrae pa ora y kico tabata e potencial pa reduci emision di CO₂-ora e tecnologia tabata funciona cu energia renobabel.

   E investigacion aki ta studia Aruba su capacidad unico pa AWG y ta evalua e tecnologia aki como un solucion duradero pa futuro retonan tocante awa.

   DIARIO ta felicita Kevin, su famia y amigonan cu e graduacion aki, y ta desee hopi exito den futuro.