Structura multi-deportivo entrega na Colegio Frere Bonifacius

ORANJESTAD (AAN): Manera ta conoci, desde cu e edificio di Colegio Frere Bonifacius a wordo basha abao den Indianenweg na Oranjestad,

nan ta ubica temporalmente den un edificio den Gutenbergstraat.  Aki tin un espacio no mucho grandi pa e muchanan por haci ehercicio y deporte.

   Awor cu yudansa di Ministerio di Deporte y tambe Lotto pa Deporte, a caba di crea pa e alumnonan mas espacio pa move, mas oportunidad pa crece.

   Colegio Frere Bonifacius a bira e siguiente scol cu a ricibi su structura multi-deportivo nobo.  Mientras cu Gobierno ta spera di pronto por soluciona e situacion di alohamento di e studiante- y docentenan, Ministerio a sigui crea mas oportunidad pa e muchanan haci movimento, disfruta di deporte y descubri nan talento.

   E potretnan aki pa cortesia di Ministerio di Deporte.