Uzo di tapaboca ta wordo propone pa expertonan como prevencion
*Advertencia di DIARIO contra fenomenonan a bira alarma mundial
*Reservanan remedi pa temporada di horcan mester wordo aumenta
ORANJESTAD(AAN) — Na forma dirigi DIARIO a prepara Aruba pa un temporada di calor cu ta tambe asina temporada di horcan 2025, cu lo ta cualifica su mes pa peliger pa e ser humano debi na e condicionnan climatologico cu ta aumenta.
Cu cifranan oficial DIARIO a indica cu na Aruba uno di e problemanan mas grandi cu naturaleza ta causa pa salud ta e calor inmenso, cu ta origen di situacionnan serio sigur pa personanan cu tin un problema cu curazon of pulmon.
Mientras calor ta uno di e peligernan mas grandi cu ta existi den temporada di horcan pa Aruba, e aumento di problema internacional causa pa stof di e desierto Sahara na Africa, ta aumenta e necesidad pa den temporada di horcan Aruba tene cuenta cu posibel aumento di necesidad pa mas medicamento, cu tabata e caso na añanan anterior.
DIARIO ta keda den contacto cu expertonan, mientras mundialmente alarma grandi ta wordo bati pa e efectonan serio cu e stof di Sahara cu ta cruza atlantico ta causa na e region di Aruba tambe.
Portretnan di satelite cu DIARIO a ricibi di cantidad di pais, ta indica cu e problema di stof di Sahara a sigui crece y awor ta uno di e peligernan grandi cu naturaleza ta produci na momento cu ya e aumento di calor ta percura pa situacionnan sumamente peligroso pa salud.
Expertonan mundial ta indica con pruebanan simpel pa reconoce ta wordo entrega na hende.
Na hopi cas por nota cu e necesidad pa bari y haci limpi a bira mas grandi y con na autonan tambe por nota cu tin mucho stof cu antes tabata e caso.
Manera expertonan ta indica, e polvo aki ta drenta nanishi di hende y ta alcansa pulmon di hende, loke ta causa condicionnan serio pa personanan cu problema di pulmon y curazon pero tambe ta causa patientnan nobo pa cuido medico, debi na e forma cu e ta afecta un cantidad di problemanan di nanishi, respiracion y salud humano en general.
Na e momentonan aki e stof di Sahara ta uno di e preocupacionnan grandi pa expertonan cu mester atende cu tempo pero tambe sigur pa aviacion, cu ta topa cu e riesgo nobo di e particulonan di santo di Sahara.
Un peliger creciente serio pa salud ta aumentando y medidanan mester wordo tuma pa evita problemanan enorme di salud cu mas e temporada di calor tambe avanza, lo presenta.
Un desaroyo cu mester wordo pone riba e lista di emergencia cu autoridad di Aruba tambe mester prepara pa loke ta trata remedi, manera informantenan ta indica.
Ta normal cu e preparacionnan pa temporada di horcan no solamente ta encerca cu ta crea reserva di remedi, cuminda y awa pa bebe, pero na mes momento mester crea reserva di remedi pa por enfrenta cualkier situacion cu ta stroba e importacion normal di remedi.
Den e cantidad di medicamentonan cu ta wordo importa como reserva, mester pone sigur e remedinan cu ta bira necesario pa personanan cu problema di pulmon, hala rosea, curazon, pa menciona algun.
E condicionnan di clima ta haci esaki necesario mientras tin expertonan cu ta di opinion cu sigur pa personanan cu entre otro alergia pa stop mester cuminsa papia di uzo di tapa boca den e situacion serio cu ta desaroya.
Mientrastanto ta conoci cu e organisacionnan internacional di salud a adverti cu den e proximo añanan e cantidad di paisnan cu ta wordo afecta pa e stof di Sahara combina cu e cambio di clima cu temperaturanan mucho mas halto por subi enormemente.
Esaki debi na e condicionnan cu ta wordo causa pa cambio di clima cu ta comberti lugarnan cu clima hopi seco den desiertonan nobo.
Alarma ta wordo bati pa personanan cu problemanan di pulmon y curazon, manera informantenan cu prueba ta presenta na DIARIO cu e peticion cu instancianan oficial cuminsa atende cu e problema sumamente serio cu ta presenta.
DIARIO ta traha riba articulonan special riba e temanan aki pa guia comunidad, manera semper, den situacionnan cu mester haya prioridad pasobra nan ta directamente relaciona cu condicionnan cu ta afecta hende y sigur den e clima calor cu Aruba tambe conoce.
Medidanan preventivo mester wordo anuncia y tambe na momento cu Meteo presenta informacion cu tin Stof di Sahara na caminda, sigur conseha personanan cu ta forma e grupo di riesgo, pa uza tapaboca na momento cu un cielo mas scur, no causa pa nubia, ta confirma presencia di Stof di Sahara!
