ORANJESTAD (AAN): Un di e tareanan importante di Stichting Reclassering en Jeugdbescherming Aruba, ta e coordinacion y ehecucion di castigo alternativo (werkstraf en taakstraf).
Castigo alternativo ta wordo imponi riba un persona door di un Fiscal, Hues of pa medio di un decreto Ministerial. Esaki ta pasa den casonan penal leve. E tipo di sancion aki ta fungi manera un alternativa pa e persona no bay sera, pero e persona ta keda obliga pa cumpli cu su castigo bou di guia y supervicion di Reclassering den forma di trabou pa comunidad. Reclassering ta aloca e persona na un proyecto y bou supervisión di Reclassering y e proyecto e persona mester cumpli cu e oranan cu ley ta stipula.
Stichting Reclassering en Jeugdbescherming ta buscando diferente proyecto, durante temporada di oktober – december 2021, pa por aloca cliente cu ta cay bou guia di e Departamento di Sancion Alternativo.
E rekisitonan pa por aplica como proyecto:
Solamente proyecto / instancia NON-PROFIT por aplica;
Mester tin un lider of guia presente na e sitio di trabou cu por guia e persona den su tareanan y cu por controla su oranan di trabou;
Mester ta dispuesto pa comunica frecuentemente cu trahado social di Reclassering tocante e procedemento di e trabou;
E organisacion mester percura pa e material y ekipo necesario pa por haci e trabou ta disponibel
E trabou por tuma lugar den siman y/of den weekend;
Esaki ta un forma cu proyectonan na beneficio di nos comunidad por wordo completa, sin gasto adicional pa e fundacion of organisacion.
Departamento di Sancion Alternativo di Stichting Reclassering en Jeugdbescherming ta traha cu diferente proyecto y instancia, e.o. centro di bario, complehonan deportivo, casnan di cuido, scolnan y tur fundacion.
E edad di e clientenan di Reclassering ta varia, for di hoben te cu adulto cu diferente nivel di educacion y diferente experencia laboral. Stichting Reclassering en Jeugdbescherming ta trata di ‘match’ e tipo di proyecto cu e abilidadnan di cada cliente. Tareanan por inclui: trabou di mantencion di facilidad, trabou di limpiesa, trabou administrativo, trabou di construccion y mas.
Stichting Reclassering en Jeugdbescherming Aruba ta hasi un peticion na instancianan den nos comunidad pa tuma contacto na telefon 582-2491 of na 582-1496 of via e-mail na This email address is being protected from spambots. You need JavaScript enabled to view it..
