Stichting Musica ta invita comunidad pa sintonisa “Calypso Showdown 2025”

ORANJESTAD (AAN): Stichting Musica ta invita un y tur pa sintonisa e show y competencia “Calypso Showdown 2025”, 

diasabra 16 di augustus pa 8’or di anochi na Telearuba (canal 13).  

Mira y scucha e presentacion di: Sashah “Queen Sashah” Figueroa, Charles “Dr. Hook” Hooker,  Emelie “Queen Melody” Peterson, Richard “Mighty Tattoo” Quant, Dolfi “The Commissioner” Richardson, Soilo “Lord Lally” Sanchez, Angelo “The Soca Mafia” Richardson, Carl “Galloway” Roosberg, Ralph “Mighty Jaoul” Godet y Bradley “Easy B” Vesprey.  

Fuera di e 10 participantenan cu a competi cu nan Calypso, lo por disfruta di e presentacion special  di Irvin “Mighty Reds” Hazel cu su Calypso ganador di aña 1980 “Arubian Names”, y tambe e tributo  na Claudius “Mighty Talent” Philips.  

Un show musical y competencia fuerte entre nos artistanan local acompaña pa e All Star Band dirigi  pa Dwight Leoneta. E programa ta presenta pa Melvin Garcia y Oriana de Castro-Blijden, hunto cu  maestronan di ceremonia Tarrick Ras y Jurina Maduro.