ORANJESTAD(AAN): Hopi hende ta den espera di Aruba Soca Monarch festival cu ta bay tuma lugar Diasabra anochi y
durante un entrevista cu presidente di Stichting Musica Edwina Werleman, el a splica cu tur hende por verwacht un tremendo anochi, unda e portanan di Carnival Village ta habri for di 7’or di anochi, mientras cu e programa ta cuminza 8’or.
Ta bay tin un total di 14 banda cu lo participa pa determina kende lo bira Aruba su Soca Monarch pa 2025.
E 30 artistanan cu lo subi stage a haya varios dia pa polish nan cancionnan y ta bay ta hopi bon prepara pa bataya cu otro, mientras cu e publico por disfruta tambe di tur e cosnan di come y bebe cu lo wordo ofreci riba e anochi.
“Si bo wak bon, riba Facebook y otro plataformanan di social media, hendenan a cuminza opina caba riba cua ta e cancionnan cu mas nan gusta”.
Programanan di radio a pasa tur e cancionnan varios biaha y nos como Stichting Musica ta bisa, ‘may the best one win, segun Werleman.
E presidente di Musica a haci un invitacion na pueblo pa bay sostene y disfruta di e festival.
