Entiero conmovedor di Chida Maduro-Ras, mama di Minister Xiomara Maduro  

ORANJESTAD (AAN): Dialuna atardi a tuma lugar e despedida di señora Antonia Maduro-Ras,

cariñosamente conoci como 'Chida', cu ta e mama stima di Minister Xiomara Maduro.

            E entiero a tuma lugar na Olive Tree Funeral Home, na unda famia, amigo y conocirnan a expresa nan profundo condolencia y deseo di forsa na momentonan dificil aki, na famia di 'Chida'.

            Famia completo di Partido MEP, como tambe coleganan politico a presenta pa duna nan apoyo na Minister y su ruman Eugene y demas famia. Y a acompaña nan, na Chida su ultimo lugar di descanso na Santana Catolico na Paradera.