ORANJESTAD (AAN): Aña pasa e conocido autor y fotografo, Chibi van der Hans a lanza su buki di e historia di Aruba su Carnaval.
Despues di un investigacion cu a inicia 7 aña pasa riba e origen di Aruba su Carnaval, sr. van der Hans a finalisa su dos bukinan. E dos bukinan ta contene un coleccion grandi di potret y historia di nos carnaval di e.o. grupo-, participante-, eleccion-, parada-, musica, banda-, mirones y asina por keda menciona, miles di diferente potret y informacion.
Recientemente Chibi a haci entrega di un copia di e buki aki na Edwina Werleman di Stichting Musica. Nan a aprecia e gesto aki hopi mes. Musica a indica na van der Hans, cu su generosidad ta yuda mantene e herencia cultural di e isla na bida.
