Stichting Klein Aruba a lansa su grupo nobo pa Carnaval 70

ORANJESTAD (AAN):  Na Paseo Herencia, Stichting Klein Aruba a lansa su grupo nobo pa Carnaval 70.

Cu diseñonan exclusivo den e tema "TRIBUTE TO ARUBA",  Jarissa Dubero como diseñador  a duna realse grandi na Aruba su cultura.

             Acompaña p'e artistanan clasico di e banda Musical Time, LONG ROY y TATTOO a duna inicio na e grupo nobo. E luga tabata yena cu turista- y localnan cu di biaha a cuminsa inscribi pa participa na nos carnaval.

            Addonsito Croes tabata e MC y ta sumamente contento cu e reaccion di tur cu tabata presente. Den e publico por a admira presencia di representante di hotelnan local, SMAC, ATA, AHATA y presidente di stichting Klein Aruba, Arthur Kelly. Jarissa Dubero no tin palabra pa gradici cada modelo cu a modela na forma campion y boluntario su diseñonan. E entusiasmo ya ta mucho grandi. 

CARNAVAL 70 

MUSICAL TIME bou guia di Leo Rodriguez lo ta e banda cu lo compaña e miles di participantenan den e 6 paradanan di Carnaval 70. 

TRAHENAN 

            Cada parada lo tin un trahe diferente. E temanan ta entre otro pa  Fakkel "E Escudo di Aruba" den colornan oro y preto. Pa Sunset Parade e tema ta "Aruba su Piscadornan". Pa Lighting Parade Oranjestad, e tema ta DERA GAY.

            Otro tema cu diseño bunita luci ta "E GUTU". E pisca aki ta responsabel pa Aruba su Santo Blanco di e Playanan. E trahenan dje "GUTU" ta pa Parada di San Nicolas. Pa Oranjestad  e tema ta:  "Aruba su Placa". Billetenan di 10, 25, 50, 100 y 200 florin, domina pa e color Oranje, ta resalta.