Pa haya fondo pa bay Italia
ORANJESTAD(AAN): Stichting Angels & Stars tin e intencion pa bishita Roma Italia pa un hubileo y pesey nan ta purbando di recauda fondo.
Den un entrevista cu DIARIO e hoben Alyssa Singh a splica cu e fundacion ta haci varios proyecto di boluntario, pa yuda entre otro nos grandinan.
E stichting religioso lo manda un grupo di alrededor di 30 persona pa Roma y pesey ta hopi importante pa genera fondo.
Ya caba e fundacion tabata tin un actividad pa genera fondo riba 25 di Februari y riba 18 di Maart.
Awor nan a organiza un asina yama fundraising bingo via Caribbean Bingo, pa Diasabra dia 3 di Mei na Club Caiquetio.
E bingo ta cuminza 8’or di anochi y ta bay te marduga, mientras cu e portanan ta habri for di 6’or di atardi caba.
Ta bay tin varios bon suma di placa como premio riba e anochi, como tambe otro premionan special.
