Parlamentario Gino Goeloe di Fraccion Futuro:
ORANJESTAD (AAN) Den entrevista cu Parlamentario Gino Goeloe, di fraccion Futuro, el a duna di conoce na DIARIO, cu den nan plan di gobernacion ta stipula cu nan ta bay traha hunto cu Hospital, AZV, y Specialistanan, pa wak unda e problema ta, cu tin tardanza pa haci test.
Goeloe a señala cu ora un persona ta haya un diagnostico di cancer, e no por warda di tres pa cinco luna pa haci un MRI of otro sorto di test. E persona ta keda den incertidumbre, pero no e so pero henter su famia.
“Esey nos tin cu bay traha duro riba dje, wak na unda e problema ta precies, mi mes ta kere cu e hendenan aki mester busca nan for di Colombia, unda tin yen di specialista, nos a traha cu Colombia, den e caso aki cu dos hospital y por ta nos por sinta hunto AZV, Hospital, ImSan, un delegacion di specialistanan di Colombia, wak kico por, kico no por, p’asina aki locual nos falta, laga nan bin Aruba yuda nos, den e caso aki tres luna, cu por bira un of dos luna, of menos. Esaki ta un plan di gobierno cu ta hinca den nos plan di gobernacion”, segun Parlamentario Gino Goeloe, di fraccion Futuro.
