Stichting Ambiente Nobo a keda impresiona cu dos stagiaire di EPB Oranjestad

ORANJESTAD (AAN): Algun tempo pasa, e dos alumnonan di EPB Oranjestad, esta Emily y Valeria,

a ricibi e tarea pa bay core ‘stage’ na Stichting Ambiente Nobo.  Y esaki ta algo cu ambos alumno a dicidi na lage bira nan prioridad e simannan nan dilanti.

   E dos hobennan aki ta basta balente y spierto pa bin cu ideanan nobo.  Resultado di esaki ta cu nan a finalisa nan temporada di stage cu exito.

   Y nan a laga un bon impresion atras cerca tur esnan di Stichting Ambiente Nobo, incluyendo e clientenan, cu na final esnan di e Fundacion a dicidi na honra e dos alumnonan aki cu un ceremonia unda a dirigi palabra, y tambe regala nan par di regalo.

   Nan a bisa na final, hopi danki na Emily y Valeria pa nan amor , pasenshi y dedicacion cu e clientenan y e team di Stichting Ambiente Nobo.  Nan deseo awor pa e dos alumnonan aki sigui cosecha hopi exito den nan siguiente meta.