Steve Andreas ta lansa su videoclip di mas nobo “Vamos pa Aruba”

ORANJESTAD (AAN): E DJ y Productor renombra Steve Andreas a caba di lansa videoclip “Vamos pa Aruba” conhuntamente cu Artistanan Internacional Brazil 21, Electronika, y J.O.

   Un genero refrescante cu ritmo Dembow y un combinacion di ritmonan tropical. E cancion aki ta un celebracion y dedicacion na Aruba cu Aruba ta e destinacion perfecto pa bishita.

   E proyecto aki ta un exito riba su mes mirando con nos talentonan local cada bez ta treciendo mas y mas Artista pa colabora den proyectonan grandi riba nos isla.

   Por mira tambe e reaccion caminda nos Isla ta birando te asta un destinacion pa produccionan grandi cu ta expande den plataforma internacional.

   Reclight Productions dirigui pa medio di Edward Silberie cu mas o menos 30 persona e videoclip aki a worde realisa na e bunita lama di Boca Catalina y tambe cu un bista completo na e area turistico di Highrise Palm Beach.

   Steve Andreas a comparti mas o menos un aña pasa na Aruba den un encuentro cu Alex Sensation el a bin di conoce Brazil 21 pa prome biaha. Den combersacion Alex Sensation a remarca cu nan lo ta un tremendo combo pa traha algo hunto. Asina tambe inicio di e aña aki despues cu Steve Andreas a caba di produci e cancion “Vamos pa Aruba”. el a tuma contacto y  invita Brazil 21 pa forma parti di e cancion. Brazil 21 no a pensa dos biaha y a dicidi cu e cancion aki ta uno perfecto. Asina tambe den e trayectoria armando e cancion el a bira algo mas grandi caminda Artistanan manera Electronika y J.O tambe a forma parti pa hunto colabora.

   E grabacion di “Vamos pa Aruba” a tuma luga den studio di Miami pa cual henter e ekipo a disfruta pa traha riba e cancion aki. Cu canto, baile y hopi emocion e cancion aki a worde produci. “E tabata un fiesta realmente un celebracion den studio” Steve Andreas a expresa. Asina tambe un y tur por disfruta y celebra di e cancion aki cual actualmente ta riba tur plataforma obtenibel.

   E video por ser mira na:

www.bit.ly/stevearuba