Mirugia de Cuba ta e prome cliente di Olive Garden @ Gloria

ORANJESTAD (AAN): "No tin un fanatico mas fiel cu mi na Olive Garden",

asina e conocido cantante Mirugia de Cuba a bisa, na momento di drenta Olive Garden @ Gloria diamars mainta pa 11:00 am. E tabata compaña pa su yiu homber Kevin y despues su ruman Laila de Cuba a join e almuerso. Na porta, Amaryllis van Boekel, gerente di Olive Garden @ Gloria a yam'e bonbini.

            "Ami y mi yiu ta encanta Olive Garden y ora nos bay Merca vakantie, di un siman, bo por conta sigur cinco dia nos ta come den e restaurant ey. Mi ta asina contento cu awor nos por bishita esun aki na Aruba tambe", asina Mirugia de Cuba a expresa. El a sigura cu e gusta tur e cumindanan riba menu pero su faborito sin ningun duda ta "Tour of Italy".