Stagiairnan di Colegio EPI ta desaroyando un plan di mercadeo pa FUNARI

Ademas di traha video via rednan social:

ORANJESTAD (AAN) – Fundacion Arubano pa Invalidonan (FUNARI), a yama un rueda di prensa, den cual a wordo informa cu Funari ta bezig cu diferente proyecto den un cambio di direccion pa por sirbi nan clientenan na un manera completo.  Tabata presente tambe varios stagiairnan di Colegio EPI, Unidad di Salubridad y Servicio, 3de aña Welzijinwerk, cu ta desaroyando un plan di mercadeo y un campaña cu video, via rednan social bon conoci.

            Stagiairnan di EPI a splica cu e proyecto aki ta un opdracht di scol, unda nan tin cu taha un marketing plan pa e compania cu nan ta core stage. Nan a pensa di haci tres diferente campaña riba e tres diferente plataformanan cu ta wordo uza mas.

            Nan a haci un encuesta na November y December puntrando ciudadanonan local con conoci Funari ta pa nan, y nan a haya como reaccion, cu hopi hende no conoce Funari. E ora ey nan a pensa di haci un campaña pa asina Funari bira mas conoci den e comunidad.

            E campaña via facebook ta consisti cu e persona cu kier participa ta bay traha un video tocante di con nan lo wak Funari aki cinco aña, anto cabe cu un mensahe masha chikito riba personanan cu limitacion.

            Den e campaña di Instagram e participante tin cu, como prome stap inventa un code, y mester tin di haber cu personanan cu limitacion. Di dos stap ta, post’e riba su historia. E di tres stap ta cu mester tin Funari su page aden cu nan ta post riba Funari su page tambe, y despues nan ta saca e ganador.

Tambe tin un campaña via tiktok cu ta pa post video di baile of otro. Pero pa e campaña aki mester traha un video di un persona cu limitacion, of un persona cu limitacion e mes por post su video. Nan mester pone Funari riba tiktok y follow Funari su page riba e red aki. E facebook di Funari ta: Funariaruba.

            Pa clausura e campaña aki, nan ta traha e 'marketing plan' pa haci e institucion mas conoci den e comunidad di Aruba. Dia 30 di Mei lo anuncia e ganador.