EV ChargeUp di Elmar ta sigui crece
ORANJESTAD (AAN): EV ChargeUp ta sigui desaroyo su red riba nos isla. Recientemente, NV Elmar a integra e fleet electrico di Centraal Bureau voor de Statistiek Aruba (CBS) den e red, via un stacion di carga priva na Sun Plaza.
E desaroyo aki ta un paso mas den Elmar su meta pa crea un red di carga pa vehiculo electrico, un infrastructura cu ta sirbi tanto pa public charging stations como pa solucionnan pa private fleet charging stations.
EV ChargeUp ta inclui: (*) Punto di carga publico riba diferente localidad. (*) Solucionnan personalisa pa empresa- y organisacionnan cu lo bira mas sostenibel.
EV ChargeUp ta sigui traha, paso pa paso, pa facilita e transicion y stimula e uzo di vehiculo electrico den nos comunidad, promoviendo transporte mas sostenibel.
