Stacey van Gaalen a bira Miss Youth Aruba 2021

ORANJESTAD (AAN): Renaissance Conference Center tabata Diasabra anochi tambe den blackout.  Pero despues cu tecniconan di High Performance a cende un generator y pone luz y sonido funciona, e certamen di Miss Youth Aruba 2021 a cuminza, no obstante cu airco den sala no tabata funcionando.

   E anochi a confronta algun contratiempo debi na e situacion di coriente, pero toch e candidatanan a haci nan mihor trabao riba escenario pa presenta nan mes como debe ser.  E bailenan a hasta inclui ganadornan anterior di e certamen di Miss Youth Aruba, cu a celebra su prome lustro di existencia tambe.

   Finalmente a escoge seis candidata cu ta bay pa e corona, y na final ta djis dos candidata a keda riba escenario

   Tabata exactamente 11:46 pm, cu a anuncia cu e representante di San Nicolas, esta Stacey van Gaalen a bira Miss Youth Aruba 2021.

   Na di dos lugar a keda Kelsey Westerburger di Distrito 11.  Di tres lugar a keda Kayla Villasmil di Oranjestad.  Di cuatro lugar ta Abigail Sanchez di Noord.  Di cinco lugar ta Xanthe Piña di Dakota.  Di seis lugar ta Yarimar Mendez di Distrito 13.

   E organizador Robin Croes-Ponson a keda encarga pa corona e reina nobo.  Pabien di parti DIARIO.