Speedworld cu bo amigo, Hubert ‘Furai’ Tiel awe presentando un anochi social special cu un di e clubnan mas honorable di mundo di motor na Aruba.
Aki Speedworld ta referi na Mustang Club Aruba, cu a festeha nan di 24 aña di existencia.
Un grupo di persona cu a uni na 1997 pa asina comparti nan amor pa e muscle car di mas famoso na mundo, esta e Ford Mustang, ainda ta hunto despues di mas di 2 decada.
Doque Croeze y Maiky Kelly, kende ta dos di e fundadornan di Mustang Club Aruba tabata presente. Un di e fundadornan mas, esta Eric de Cuba, lamentablemente no por ta presente.
Leomar Croes kende ta e actual president di Mustang Club Aruba a dirigi palabra di gradicimento na e fundadornan y na e miembronan cu a keda activo durante tur e añanan cu a transcuri.
https://diario.aw/categories/noticia/general/speedworld-10oct2021#sigProId1e4717a4be
