Soraida Knoop a gana e 'International Diamond Society Sales Award'

Coldwell Banker Aruba Realty ta orguyoso di anuncia:

ORANJESTAD (AAN): Cu hopi placer Coldwell Banker Aruba Realty ta anuncia cu Coldwell Banker International a premia Soraida Knoop, como un Senior Sales Agent cu Coldwell Banker Aruba, cu e prestigioso “International Diamond Society sales award”. E logro aki, ta distingui Soraida como un top empleado di Coldwell Banker, siendo un den e 10% di miho empleadonan mundialmente.

            Soraida Knoop ta traha cu Coldwell Banker Realtor na Corsou y Aruba desde aña 2010 y ya caba tabata un miembro orguyoso di e “International Sterling Society”.

            Dick A. Sougé, doño di e frankicia Coldwell Banker na Aruba, a bisa cu “Soraida ta sigui di ta un ehempel di compromiso serio den brinda e nivel di mas halto di servicio y balor pa su cumprado- y clientenan. Esey ta inclui e uzo di e hermentnan cu tin disponibel awendia, su habilidadnan indiscutibel y su tremendo personalidad, den un esfuerso pa crea e miho resultado p’e clientenan”.

            Ryan Gorman siendo e CEO di Coldwell Banker USA a felicita Soraida cu un carta, den cual ta anuncia e reconocimento y logro bon mereci aki.

            Esaki ta un logro grandi y masha importante, trahando den un di e paisnan mas chikito den e red mundial di Coldwell Banker, cu ta inclui 45 pais cu mas di 100 mil bendedo. Pues, siendo un di e bendedonan den e top di 10% di Coldwell Banker mundialmente ta un logo extraordinario!

            Dick A. Sougé a sigui bisa “Pabien Soraida! Awor bo ta un miembro elite di Coldwell Banker International Diamond Society! Nos ta orguyoso cu bo ta un miembro di e ekipo di benta sobresaliente di Aruba, cu tur aña atrobe ta sigui kibra record bendiendo propiedadnan na Aruba.”