Solo a sali y a descubri destruccion lamentable na entrada di Grot Divino Niño Hesus

ORANJESTAD (AAN): Diadomingo mainta e organizacion cu ta mantene e Grot Divino Niño Hesus na Sero Preto, cu ta keda net otro banda di Grot di Lourdes, a bin haya un sorpresa.

   E area dilanti unda tin un arca traha di beton cu baksteen, y e plataforma pa bay subi e trapi, a wordo completamente destrui.

   Kizas ta intencionalmente a basha esaki abao pa kibre, of kizas un vehiculo pisa a perde control riba e caminda y a dal y basha tur esaki abao.  Tur esaki lo bira un gasto inhusto pa e organizacion, cu no tin hopi fondo pa bay drecha esaki.

   Pesey ta pidi e personanan cu por sa di algo, y a mira loke a socede, of kizas bo ta mira cu diripiente bo bisiña of hende eybanda di bo cas tin un Pickup of Truck kibra na forma inexplicable desde e anochi di Diasabra pa Diadomingo, por yama Polis pa duna tip.

   Of por yama tambe Gilbert Wernet na 594-2879 pa asina por duna tip.  Riba e potretnan aki por mira con e tabata antes, y con el a keda destrui awor.