ORANJESTAD (AAN) — Errol de Freitas, Presidente di San Nicolas Business Association, den entrevista cu DIARIO a señala cu SNBA tin un bon relacion cu Instituto Medico San Nicolas (ImSan), expresando cu nan ta hopi orguyoso di e Institucion aki.
De Freitas a señala cu e trabao cu docter Joel Rajnherc ta haciendo ta increible, no solamente e servicio pero e progreso cu e hospital tin. El a subraya cu ImSan mester
di espacio y actualmente e Acreditacion cu nan ta preparando p’e mundo lo bira wak Aruba cu otro indole. Asina e representantenan di e hotelnan cu ta biniendo establece na Aruba a señala den un reunion cu SNBA, pasobra nan sa cu nan bishitantenan cu yega Aruba, por tin un institucion medico cu por “take care” di nan.
De Freitas a expresa cu SNBA ta felicita ImSan y su team y nan ta spera cu e relacion entre nan y Hospital continua pa asina tur dos por traha hunto na beneficio di nos pais y su bishitantenan.
Nota di Redaccion: Manera ta conoci ImSan ta traha hunto cu Baptist Health International y e ta preparando pa ricibi e asina yama “Joint Commission International Accreditation (JCI) cual ta wordo otorga na Institutonan Medico cu ta brinda un servicio di calidad hopi halto.
