ORANJESTAD (AAN) -- Den un entrevista cu señora Jesseline Kelly, Relacionista Publico di Departamento di Asunto Social (DAS), el a duna di conoce na DIARIO cu ningun momento nan oficina principal a cera, pero e ta den renovacion.
Jesseline a splica cu desde siman pasa nan oficina principal cu ta na Belgiestraat- na Eagle temporalmente, ta den construccion. Manera ta conoci nan
ta ocupando un localidad di FCCA, y FCCA ta haciendo algun trabao di verfmento y drechamento di e parti pafo di e edificio y ora cliente ta acerca e lugar, enberdad nan ta mira stelage full arma dilanti.
No obstante, esaki no ta haci ningun influencia den e servicio di DAS y tur cos ta continua igual. Si acaso lo tin cambio pa futuro pa cualkier motibo DAS lo avisa comunidad pa medio di medionan di comunicacion, si esey lo pasa. Pero e servicio lo continua normal, I incluso nan a traha manera un semi tunel pa seguridad di e cliente ora drenta of sali.
E edificio na Lagoen ta den construccion ainda, y ta pasa den fase, unda nan ta caba cu un y ta sigui pa e otro. Pues, DAS ta na spera pa tur cos keda cla pa nan por bay bek na nan edificio original.
