ORANJESTAD (AAN): SMAC ta informa cu diaranson, Presidente di SMAC acompaña pa Vice Presidente/ PR di SMAC a atende un reunion cu Crisis Team
riba diferente tema, manera 'color parade' cu SMAC hunto cu Gruponan Uni kier organisa dia 12 di November y Carnival aña 2022.
SMAC a presenta nan plannan y en cambio Crisis Team a splica su preocupacionnan di seguridad, aglomeracion y naturalmente Covid 19.
Un reunion sigur hopi informativo y den hopi bon ambiente.
Por a saca afo cu tur dos partido kier pa e celebracion cultural wordo celebra.
Di parti di SMAC e conversacion a bay mas over di con si por logra esaki hunto sigurando pa e wordo ehecuta den e forma mas safe pa e hendenan y pais Aruba en general.
Di parti Crisis Team, un di e puntonan principal pa esaki ta pa pueblo cuminsa proteha nan mes, sea ta vacuna of cuida pa por cuminsa baha e cifranan bek manera como pueblo a demostra di por a haci esaki.
SMAC y Crisis Team a haci acuerdonan pa sigui reuni cada pasa un siman pa sigui informa y sigui planea hunto.
SMAC lo sigui informa Pueblo tur desaroyo cu tuma luga.
Potret: Facebook Page SMAC
