ORANJESTAD (AAN); E sorteo di Diahuebs anochi di Lotto di Dia, a produci un ganador!
Pues un solo persona tabatin un ticket cu e numbernan 04, 05, 08, 10, y 16.
Pesey mes riba Diabierna, e dama Sixta a presenta na oficina di Lotto na Playa pa reclama su premio. Funcionarionan di Lotto a revisa su ticket pa check si el a pone su firma banda patras di dje, y a scan e barcode. E computer inmediatamente a confirma cu Sixta a gana 56.000 Florin cu Lotto di Dia.
Mesora a sigui cu e proceso pa transferi e premio electronicamente pa su cuenta di banco. Sixta a indica cu e ticket ganador el a cumpra na Cadena Alexander Santa Cruz.
