Sinterklaas a yega treciendo alegria pa muchanan di Aruba

ORANJESTAD (AAN): Cu un coordinacion enorme di Polis y personal di Aruba Ports Authority,

y e comision organizador, e yegada di Sinterklaas cu Pietnan a sosode exactamente pa 3:00 pm.

   El a yega cu boto na Waf, y na su yegada a wordo ricibi pa Prome Ministro Mike Eman, y tambe Ministro Rene Herdé.  Despues di esey, cu animo di MC George Winterdaal, e homber santo a subi escenario unda a ricibi bon bini di Tara van der Werk, kende ta Miss Teen Nuestra Belleza Internacional 2025.

   Sinterklaas a dirigi palabra na muchanan, y a invita nan tur pa bay Plaza La Linda pa celebracion.  Despues el a subi un Tram y poco-poco a move bay direccion di Plaza La Linda.