Sindicatonan cu ta representa sector publico a sali manifesta Dialuna

ORANJESTAD (AAN) – Dialuna, manera a wordo avisa pa mayoria di e sindicatonan cu ta representa empleadonan publico, a realiza nan marcha di protesta te Parlamento.

E meta di e manifestacion aki tabata pa sigui pidi gobierno, pa retribui nan 12.6% cu cual nan a contribui pa 21 luna caba pa paga FASE, y cu manera ta conoci no ta wordo otorga mas.

Di parti di Gobierno, Presidente di Parlamento mr. Vrolijk a reitera locual Minister Presidente a expresa den diferente ocasion, y esaki ta cu gobierno no tin placa na e momentonan aki, pa cumpli cu e peticion aki, y a yama e sindicalistanan pa drenta den dialogo cu gobierno, manera prome mandatario reiteradamente a pidi nan.