ORANJESTAD (AAN): Directiva di Sindicato di Trahadornan di Aruba (S.T.A.) a firma contrato colectivo cu gerencia di Paradise Beach Villas dia 15 di Mei 2023.
Un contrato colectivo cu un duracion di 3 aña cu ta drenta na vigor cu forza retroactivo desde 1 di Januari 2023. Un contrato colectivo bon balansa caminda e empleadonan lo conoce aumento general den tur 3 aña, tambe a aumenta nan pensioen, nan placa di spaar, dianan liber cu pago, dianan di vacacion, placa di cuminda, placa di Hubileo, placa di vacacion y bonus di fin di aña.
Pa e departamento di "housekeeping" tambe a conoce varios adelanto pa servicionan cu nan ta rindi na e huespednan. Gastonan medico tambe a wordo drecha, facilidad pa estudio, Uniform pe empleadonan.
Loke a resalta den e CAO aki ta e hecho cu pa aña 2024 tur empleado lo bay haya 2 dia liber pa siman consecutivo locual ta un alivio grandi pe empleadonan y sin cu nan salario lo bay atras.
Un contrato colectivo bon hinca den otro. Directiva di STA kier a felicita e empleadonan pa cu bunita logro aki y alavez gradici gerencia, Freddy Albertus, Lilian y Yina sin lubida nan delegadonan Amaro y Selvia cu a participa activamente den e negociacionan pa cu e contrato colectivo nobo.
