Eddy Mohamed, director Arubus:
ORANJESTAD (AAN) – Director di Arubus, señor Eddy Mohamed, den un entrevista a menciona cu ora nan a “brainstorm” encuanto reactivacion di Aruparking, a pensa tambe riba e turistanan.
Mohamed a bisa cu den pasado a purba diferente metodo, cu car rentalnan pero lamentablemente hopi biaha no ta haya cooperacion di e companianan aki.
Pero nan ta buscando un manera con pa hacie mas accesible pa e turistanan sa cu nan tin cu paga, unda nan por para y na unda no.
Tocante e fecha cu tur esaki lo ta “in place” señor Mohamed no por a duna esaki ainda. El a menciona cu tin un problema mundial logistico, cu no ta den Aruparking su man. Pero nan ta haciendo “todo por todo” pa start sali, y e ta cerca.
Mohamed a informa cu e prijs ta bay keda un tiki menos, ya cu ta bay tin un descuento. Ora cu nan cla cu e beleid lo anuncia esaki. E ta bay tin un structura di zona. Ainda nan ta evaluando si “claim” ta bin bek of busca otro forma. Nan ta den e fase aki. E takelwagen tambe lo tey, pero na un forma mas saludable pa e compania Aruparking. Tur e trahadornan a sigui un curso online pa duna un miho servicio na e clientenan.
Director Eddy Mohamed a expresa palabra di danki pa tur trahador di Aruparking cu a traha duro pa drecha tur e claims cu tabata den mal condicion. En todo caso, el a bisa cu Aruparking ta bin bek cu claim of sin claim.
