ORANJESTAD (AAN): Soroptimist International Club Aruba (SICA) ta invita comunidad pa participa na su prome charla den
cuadro di ONOA – Onderweg Naar Orange Aruba, cu lo tuma luga diasabra 29 di augustus 2026, di 10:00 di mainta pa 12:00 or di merdia na EduCampus.
E encuentro aki ta inicio di charlanan cu ta busca pa crea consciencia, inspira y conecta comunidad rond di temanan cu ta importante pa nos comunidad. Durante e prome charla, publico lo tin oportunidad di conoce dos orador cu, cada un den nan propio manera, ta trahando activamente pa sostenibilidad, naturalesa y desaroyo local.
Christie Mettes, Environmental Scientist, Educator & Social Entrepreneur, ta co-fundadora di Metabolic Foundation. Su trabao ta enfoca riba sostenibilidad, economia circular, participacion di comunidad y democratisacion di ciencia y tecnologia. Entre otro, Christie a contribui na proyectonan di reciclahe di plastic y conservacion marino, y a inicia Aula di Lama pa Iberostar Foundation, un centro educativo enfoca riba ecosistemanan di costanan.
E di dos orador ta e fundadora di Petite Greens Aruba, kende despues di 18 aña sirbi den Royal Netherlands Navy a scoge na 2019 pa dedica su mes completamente na agricultura. Su experiencia como farmer na Aruba ta combina pasion pa naturalesa, produccion local y educacion. E ta enfatisa e importancia di cultiva nos propio alimento y e rol cu turismo por hunga den crea mas aprecio pa producto local y agricultura Arubano.
SICA ta invita tur hende interesa pa bin scucha, inspira y forma parti di e conbersacion, Diasabra 29 di Augustus na EduCampus.
