Marco Antonio Solis cu su mensahe di Pasco di polemica
CIUDAD DI MEXICO: Marco Antonio Solis a bay viral pa un tweet riba social media, unda den su estilo e ta haci suplica na fanaticonan pa nan cuida di Covid-19 durante Dianan di Pasco. E mensahe di e lider di Los Bukis ya a supera 80 mil likes, y hendenan a re-tweet esaki pa mas di 15 mil biaha.
E cantante y compositor di cancionnan manera “¿A dónde vamos a parar?” y tambe “Más que tu amigo” a skirbi: “Ya bo por hole Pasco! Pero si abo no por hole... NO SALI!”
E musico a referi directamente aki na un di e sintomanan mas comun di Coronavirus y a invita su fanaticonan pa tuma tur precaucion den e dianan festivo.
Por a nota cu Marco Antonio Solis tabata hopi activo riba Social Media. Par di dia pasa, Marco Antonio Solis a bay riba social media pa dedica un mensahe na su casa riba Instagram. Esaki den cuadro cu nan di 28 aniversario, e cantante a skirbi: “28 aña di candela den mi curpa y paz den mi alma. Di no depende bo persona, sino di e amor cu e ta spierta den mi.”
“Cu bo ningun dia ta mescos, pasobra semper lo bo ta e regalo presente dilanti mi wowonan cada mainta. E holor di coffie, bo alegria Caribense, y algo mescos of mas grandi cu bo beyeza, bo inteligencia. Y di a sa na hibami na bo mundo na momento cu esun di mi tabata bashando den otro, y despues trecemi bek na esun di mi y tur cos ta bon bek. Dios yenabo di tur loke bo ta dunami dia pa dia!” el a finaliza ta skirbi.
Na November 2019, Marco Antonio Solis tabata ultimo biaha na Aruba pa un concierto.
