MIAMI: Royal Caribbean International a stop temporalmente cu tur reservacion pa viahenan crusero cu ta saliendo na comienzo di Januari, debi cu nan a yega na limite di pasaheronan cu por bay abordo.
Pa awor, chens pa bo book un viahe na comienzo di Januari 2022 nota habri mas pa reservacion nobo, debi cu nan a yega e plafon di capacidad cu e compania mes a pone. Esey ta loke Vicki Freed a bisa, kende ta Senior Vice President di Benta na Royal Caribbean international.
E anuncio aki a bin pa colmo net awor cu tin varios barco crusero cu tin cluster di Covid-19 abordo, incluyendo Royal Caribbean, Carnival, y tambe Holland America Line.
E viahenan ey a wordo kita for di e website di Royal Caribbean tambe.
E compania a pone limite di capacidad como parti di protocolnan stipula pa por haci viahenan atrobe, incluyendo rekesito di vacuna, bisti tapaboca, y haci test. Royal Caribbean ta bisando pasaheronan tambe, cu nan exigencia pa usa tapaboca a bira mas stringente.
