SAN SALVADOR: E dama simpatico y bunita Sheynnis Palacios procedente di Nicaragua, a titula como e di 72 reina di Miss Universe 2023 cu a tuma lugar na e capital di El Salvador riba Diasabra anochi. El a bira e prome participante di su pais cu a gana e titulo di Miss Universe.
E dama di 23 aña kende ta presentadora di TV y modelo, a logra di gana e prome runnerup Anntonia Porsild di Thailandia, y segundo finalista Moraya Wilson di Australia. E otro participantenan cu a logra Top 10 pa e final tabata Camila Avella di Colombia, Isabella Garcia-Manzo di El Salvador, Camila Escribens di Peru, Michelle Dee di Filipinas, Karla Guilfú Acevedo di Puerto Rico, Athenea Perez di Spaña, y Diana Silva di Venezuela.
En total 84 candidata a participa na Miss Universe 2023, y nan a presenta den e.o. trahe di gala, trahe di baño, y un anochi prome den trahe tipico.
E ganadora Sheynnis Palacios tabata den un trahe elegante color preto diseña pa Jorge Salazar Caliz, y inspira riba e Grackle nicaraguense, cu ta un parha nativo di su pais.
A anuncia tambe cu otro aña, e certamen aki lo tuma lugar na Mexico.
https://diario.aw/categories/noticia/general/sheynnis-palacios-di-nicaragua-a-bira-miss-universe-2023#sigProId8693d8d906
