Setar tabata orguyoso di participa den STEM X Youth Summit

ORANJESTAD (AAN): Recientemente e compania Setar NV tambe tabata presente durante STEM Youth Summit organiza pa Futura. 

E tabata un dia yena cu workshop, charla y booth pa hobennan interesa den Ciencia, Tecnologia, Ingenieria y Matematica (STEM) na Aruba!

   E evento a sa di atrae mas di 100 hoben entusiasma, cu a disfruta di diferente actividadnan y tayernan interactivo.

   Setar NV semper comprometi cu educacion y futuro di nos muchanan, ta un di e sponsornan principal di STEM X. E compania su IT Team tabata presente pa duna informacion valioso riba e proyectonan inovativo cu ta andando den Setar NV, inspirando e muchanan pa sigui un carera den e tereno di tecnologia.

  E entusiasmo y energia di e muchanan a laga nos sa cu STEM X tabata un iniciativa exitoso.